اسرع طريقة للتورتة

بصي يا ست الكل زي ما أتعودنا أننا عايزين نكون ستات بيت بنعرف نعمل كل حاجه عشان في زمنا ده محتاجين نكون كده ,وتعاملوا نرفع الشعار ده ونقول 

في طريقه جمليه جدا ً أنا أتعلمتها وكمان رخيصه وبصراحه والله فوق الروعه بتعملي أحلي تورته كل اللي عليكي تعمليه يكون معاكي 20 جنيه وأنزلي عند أي محل بيبيع مستلزمات حلويات وإطلبي منه الحاجات دي .

مكونات التورته :

• ربع + ثمن كيلوا دقيق أسبونج( دقيق تورته ).
  
• بجنيه محسن تورته ( بيكون عامل زي الفازلين ) .
  
• فانليا.
  
• كيس مبوضر.
  
• 7 بيضات .
  
• ورقه زبده .
  
• 1/8 كيلوا كريمه خام .
  
• 2 جنيه شيكولاته خام .
  
• 2 جنيه كريز ألوان.
  

طريقه عمل التورته :

• إحضري المضرب أو العجان وضعي به البيض والفانليا والمحسن ثم قومي بضربهم جيدا ً حتي يصبحوا مثل الكريمه (كثيفه وبيضاء ).
  
• ثم نضع الدقيق علي مرتين ونخلطهم جيدا ً وأخيرا ً نضع المبوضر .
  
• نقوم بتشغيل الفرن ونقوم بوضع الخليط علي ورقه الزبده في الصنيه ويفضل مقاس 28.
  
• نضع الصنيه داخل الفرن علي درجه 180.
  
• نشطف العجان ونضع به الكريمه وقليل من السكر الخشن وقليل من اللبن البادر وإن كان لديكي لبن به قشده يمكنك إضافتها ( تجعل الكريمه أكثر سماكه وأحلي ) ثم قومي بتقليبهم بالملعقه ثم شغلي العجان حتي يذوب السكر ثم إحضري ملعقه و تذوقيها وإعرفي إن كانت تحتاج إلي القليل من السكر أم لا .
  
• ثم ضيفي القليل من الماء وشغلي العجان حتي تصبح سميكه ثم ضعيها بالثلاجه حتي تسوي التورته .
  
• بعد تسويه التورته إتركيها حتي تبرد , ثم إخرجيها من الصنيه ومن ورق الزبده .
  
• إحضري سكينه كبيره وقطعي التورته إلي 3 طبقات , إحضري طبق التقديم وضعي الطبقه الأخيره بالطبق ثم ضعي عليها كريمه , ثم ضعي الطبقه الثانيه وضعي عليها كريمه وإن كان لديكي مانجو أو فراوله أو أناناس يمكنك تقطيعها إلي قطع صغيره ووضعها علي الكريمه ثم إضافه الطبقه الأخيره التي يمكنك تزينها كما تشائين , وبأي شئ لديكي في الثلاجه .
  
• يمكنك تقسيمها إلي نصفين ،نصف به الفاكهه والأخر به شوكولاته مبشوره .
  
• وبألف هنا وشفا ويارب تقولولي إيه رأيكوا فيها .
  

أحب أكون انا أول واحده أقول رأيي فيها أنا عملتها لجني بنتي في أول عيد ميلاد ليها جبت حامل تورته 3 أدوار وعملتها ودي صورتها .
بتمني اكل يعرف يعملها ويصورها ويورينا أحلي شغل .